Norge er eit fleirkulturelt samfunn der mange religionar og livssyn har sin plass. Tru og livssyn er ein viktig del av livet til mange menneske. Når helsa sviktar, eller når ein er sårbar på andre måtar, er ein avhengig av hjelp frå andre. Dei som arbeider som tenesteytarar på ulike felt, har eit ansvar for at alle menneske skal få høve til å praktisere den trua eller det livssynet som tenestemottakaren har.
I «Ord til trøst» presenterer seks ulike tros- og livssynssamfunn nokre av dei viktigaste tekstane sine. Tekstane kan tenesteytarar eller andre lese for og med tenestemottakarane når det er nødvendig. Det kan t.d. vere sjuke eller døyande på helseinstitusjon som ikkje sjølv er i stand til å lese, men som ønskjer å høyre noko frå den religionen eller livssynet ein har bakgrunn frå.
Heftet kan lastast gratis ned ved å trykke på lenka nedst på denne sida.
Heftet kan bestillast i trykt utgåve ved å sende epost til borg.bdr@kirken.no
Heftet er redigert av Borg biskop, i samarbeid med Samarbeidsrådet for tros- og livssynssamfunn.
Samarbeidsrådet for tros- og livssynssamfunn Møre og Romsdal vedtok på stiftingsmøtet i Ålesund moske 12. mars å dele informasjon om dette heftet. Desse sit i styret i det nye dialogforumet:
Geir Sakseid, styreleiar (Møre bispedømeråd)
Harald Abdul Rehman Solar, nestleiar (Møre og Romsdal Islamske Dialognettverk - MRID)
Gunnhild Barstad Løvold, sekretær (diakon i Ålesund, Den norske kyrkja)
Kari Svisdal, kasserar (Human-Etisk Forbund)
Varamedlemer er Josef Benchi (MRID) og Inger Slinning (HEF).