- Dette blir ein stor dugnad og ein sjanse til å setja Arna på kartet. Mange friviljuge medarbeidarar deltek med ulike oppgåver, og me håpar ekstra mange vil ta turen til kyrkja desse sundagane, seier sokneprest Kristin Hjertaker.
Dei tre sundagane i haust er 3. september, 29. oktober og 3. desember.
- - Me ønskjer oss ekstra god trøkk i salmesongen og håpar på mange i benkene. Me trur at det blir fine og ulike gudstenester, som me håpar vil nå fram til mange, seier Kristin.
Stall-kyrkjelyd
Seks kyrkjelydar spreidd utover landet delar på dei direktesende gudstenestene på radio og tv. Dette gjeld vanlege sundagar i haust- og vårsemesteret, med unntak av høgtidene. Då har det andre, større produksjonar, vanlegvis frå ei og same kyrkje gjennom heile høgtida.
Dei seks faste kyrkjelydane vert kalla «stall-kyrkjelyd» eller «stall-menighet» av NRK. Fram til pinse var Foldnes ein slik stallmenighet i Bergens-området, og i sommar vart det tekniske utstyret dei har hatt, flytta og installert i Arna.
Ulik profil
I haust vert tre gudstenester overført frå Arna kyrkje. Dei er ulike i form og innhald, og Kristin prest og kantor Olav Arne Steinkopf håpar gudstenestene vil visa noko av breidda i tilbodet i Arna kyrkje – også når det gjeld kyrkjemusikken.
3. september, vingardssøndag, er temaet «Det er bruk for deg». Klubben for funksjonshemma deltek aktivt i gudstenesta, som får ei enkel form. Det blir også bønevandring med lystenning.
29. oktober, bots- og bønedag, er det temagudsteneste med band og forsongarar leia av Olav Arne Steinkopf. Temaet er «Oppgjer, tilgjeving og forsoning» og preiketeksten er om sonen som kom heim. Samtalepreike med prest og terapeut May Bente Stuart Matre.
3. desember, første sundag i advent, er temaet «Eit nådeår for Herren». Dette vert ei høgmesse med orgelbrus frå galleriet og markering av nytt kyrkjeår. Ytre Arna vokal deltek.
Etter nyttår er følgjande gudstenester planlagde:
11. februar, fastelavnssøndag: Gudsteneste for små og store.
17. mars, Maria bodskapsdag: Temagudsteneste
5. mai, 6. søndag i påsketida: Høgmesse