Biskopen heldt tale for den nye presten og mange deltok med tekstlesing og i forbønshandlinga.
Gina Marie sjølv heldt ei flott preike om den store kjærleiken, som ofrar seg sjølv: "Ingen har større kjærleik enn den som gir livet sitt for venene sine" (Jesu ord frå Johannes-evangeliet). Så brukte ho forteljinga om Harry Potter og venene hans til å prøva å nærma seg dette som me nesten ikkje kan finna ord for: kva er kjærleik? Og kantor Olav Arne Steinkopf følgde opp med å spela Harry Potter-temaet nydeleg på orgelet som avslutning på preika og overgang til salmen etterpå.
Etter gudstenesta var det kyrkjekaffi med kaker og taler i eit festpynta Kyrkjelydshus.
Biskop Ragnhild Jepsen kunngjer at Gina Marie er rett kalla prest.
Foto: Marlyn Hop.