Vi har to kontinuerlege innsamlingar:
- Kjøp-ein-tangent-aksjonen
Kjøp ein «tangent» og ver med å sponse flygelet i Landås kirke!
VIPPS 1000,- pr. tangent til #70561 «Flygel-innsamling» eller bruk kontonummer 5082.06.79900 (DNB Nor)
Vi inviterer deg til å bli «medeigar» i flygelet ved å kjøpe ein eller fleire «tangentar»! Dette vil vere ein viktig del av finansieringa, og vi håper mange vil bidra!
Merk med namn dersom du ønskjer å ha namnet ditt på “tangentplakaten” i våpenhuset.
- Valfritt beløp
Om du ønskjer å gi eit mindre eller større beløp enn det «tangenten» er verd, er det sjølvsagt hjarteleg motteke. VIPPS #70561 «Flygel-innsamling» eller bruk kontonummer 5082.06.79900 (DNB Nor)
Vi takkar på førehand for alle bidrag og håper vi snart kan få nyte flygeltonar i kyrkja vår! Følg med på oppslagstavla i kyrkja for status på innsamlinga!
Målsettinga er at vi kan samle inn 100 000 kroner før 17.mai.
I Landås menighet er vi opptekne av variasjon i det musikalske uttrykket, og nytter piano nesten like mykje som orgel i gudstenesta. Det er også ofte stryke- og blåseinstrument med på gudstenester, bryllaup og gravferd, med piano som akkompagnementsinstrument.
Det er eit variert borne- og familiearbeid i kyrkja. Kvar måndag er det Åpen barnehage, middagsservering til born og familiar, og i tillegg har vi tre bornekor for ulike aldersgrupper. I løpet av dagen er det i snitt 150 personar innom på dei ulike arrangementa. Bornekora deltek på den månadlege familiegudstenesta, særskild lagt til rette for born. I tillegg er kyrkja i aukande grad populær for eksterne konsertar.
Vi meiner at eit flygel høyrer med i ein moderne menighet med eit så aktivt indre og ytre liv som Landås menighet. Vi trur eit flygel vil heve det musikalske og frivillige livet i kyrkja, i tillegg til at kyrkja vil bli meir attraktiv for konsertverksemd frå eksterne musikere og ensembler.