Nokre karar klarer ikkje å sitte i ro - sjølv i eit samfunn betraktlig dempa av Corona- tiltakene. Det var berre å finne på noko som er ei god 3-eitt- sak i god Nykyrkjekarar- stil:
- Det skal gagne lokalsamfunnet vårt
- Det skal generere eit overskot til nokon som treng det
- Det skal vere gøy å halde på med for oss sjølv
Gjengen har det jo med biler, dette er kjent frå før. Eit opplegg med eitt eller anna relatert til Drive in må jo vere mogleg, tenkte dei, og klekte ut ideen om ei kulturscene i Corona- tida, der du kan møte opp, godt verna mot Corona og sunnmørske regnbyger i eigen bil. I alle fall så lenge du ikkje møtar opp i Cabriolet med open kalesje.
Fire band var ikkje vanskeleg å be om å stille med kvar si halvtime. Lyden på scena var svært god, men for å lytte til konserten måtte du faktisk skru på den gode gamle FM- mottakaren i bilen og finne fram Bygderadio Vest sin frekvens på FM 104,9. Applaudert ble det med signalhorna og lysblinkinga frå bilane. God stemning heile vegen!
Det var eit godt samarbeid med kommunen, som stilte med scena, og dei fekk også god stønad gjennom sponsorinntekter for at arrangementets grunnutgifter var sikra.
Den gode deltakinga, loddsal og nokre private gåver til denne kulturkvelden gjorde det mogleg at kvelden hade eit overskot som kunne gå til å bygge eit skulebibliotek i Tanzania. kr. 10.000 frå den første kvelden er eit flott resultat som er til stor hjelp i eit land som ikkje på same måte har økonomi som Noreg for å handtere Corona- pandemien.
Nykyrkjekarane har planar om fleire slike laurdagskveldar, så det er berre å ha bilen klar!