Soknerådet har vedteke årsmeldinga i sak SR 04/21.
Planen er at årsmøtet skal vere laurdag 13. mars, i samband med kulturdag på kyrkjelydshuset. Det gjenstår å sjå om dette kan gjennomførast i høve situasjonen rundt pandemien.
Årsmeldinga kan lesast/lastast ned i lenka under.
Kriseåret 2020 – har vore eit spesielt år
Vi har bak oss eit krevjande år med omstillingar og unntaksperiodar i høve pandemien. Nye rutinar, endringar i måten arbeidet vert utført, antalsbegrensningar og ikkje minst handtering av overordna smittevern-ansvar for både tilsette, råd, frivillige og kyrkjelyden. Soknet har heile tida brukt krefter på å finne ein rimeleg balanse mellom forsvarleg smittevern og nødvendig kyrkjeleg nærvær og omsorg.
Mange ulike situasjonar har blitt handtert og risikovurdert i møte med familiar, dåpsborn, eit stort og breitt barne- og ungdomsarbeid både i krinsar, kyrkje og kyrkjelydshus, ønskje om open og tilgjengeleg kyrkje, konfirmantar, eldre og sjuke som har vore meir isolert enn nokon gong og ikkje minst alle pårørande som har erfart at sorga er blitt endå tyngre utan handtrykk og sosialt nærvær å lene seg mot. For ikkje å snakke om alle som har sakna eit levande gudstenesteliv og ein open kyrkje.
Her vil vi rette ein takk til alle som har bidrege og utretta eit godt og kreativt arbeid i alle ledd i verksemda vår, ikkje berre frå dei som er synleg i kraft av si rolle – men ikkje minst frå staben og alle frivillige.
Året har vore utfordrande, men har også gitt oss nye erfaringar og refleksjonar. Samspel, gjensidig behov for kvarandre mellom frivillige, råd, utval og tilsette, og samspel mellom leiarar og medarbeidarar har kome til syne. Ingen kan drive ei folkekyrkje eller ein organisasjon åleine. Vi ønskjer å rette ein stor takk til alle som har bidrege i soknet sitt arbeid gjennom dette spesielle året!
Hareid sokneråd
Ann Helen Grimstad Worren
-soknerådsleiar-
Årsmeldinga 2020 Hareid sokn kan de lese ved å opne dokumentet lenger ned på denne sida.