I seinare tid har mange i det moderne storsamfunnet fått eit anna medvit om kor avhengige vi er av å leve i pakt med den naturen vi er ein del av. Dette er gamal kunnskap hjå urfolka rundt om i verda. Ei slik grov over-utnytting av ressursane og livet som industrisamfunna har lent seg på, ville vore utenkjeleg for dei som alltid har visst at vi høyrer saman med alt levande.
Ekstremvêr og klimaendringar talar sitt tydelege språk om at det er på høg tid fleire av oss vert medvitne om dette. Respekt for liv og rammene rundt livet er òg tema som gjerne kling med i dei utfordringar minoritetsgrupper møter overfor storsamfunnet.
Gudstenesta 6. februar blir v/Lars Hartig-Tangedal og Ida Teige. Til salmar har vi plukka berre frå dei salmane i salmeboka som òg har teksta i samisk språkdrakt.
Vi gratulerer med dagen og ønskjer vel møtt!