Kyrkja i Modalen ynskjer alle velkomne til dåp
Dåpen er ei kyrkjeleg handling og skjer innanfor ramma av ei ordinær gudsteneste i soknet der heile kyrkjelyden er involvert.
![](/globalassets/innhold-for-eksempelenheter/demobilder-uten-rettigheter/tema_daap-stor.jpg?width=323&height=174&quality=80&contId=1473)
![](/globalassets/fellesrad/mo/11092969_10155933116240355_1524173088_n.jpg?width=323&height=174&quality=80&contId=1410629)
![](/globalassets/fellesrad/mo/11136850_10155933195045355_2080221603_n.jpg?width=667&height=396&quality=80&contId=1410630)
I Den norske kyrkja vert dei fleste døypt som spedbarn, men det er inga aldersgrense for dåp. Ta kontakt med kyrkjekontoret for å avtale tid og stad for dåpssamtale og i kva gudsteneste ein ønskjer dåp. Det er høve til å ha dåp i dei fleste gudstenester, men dette må avtalast med presten.
Sjølv om ein ynskjer dåp utanfor Modalen, må ein kontakte kyrkjekontoret lokalt for å gjere avtale om dåpssamtale. Dåpssamtalen skal nemleg finne stad i det soknet barnet er busett, sjølv om dåpen skjer ein annan stad. Etter dåpssamtalen sender kyrkjekontoret melding til den kyrkjelyden som står for sjølve dåpshandlinga.