Sommarferien er snart over og det nye skuleåret er straks i gang. Dette ønskjer vi å markere i kyrkja ved å invitere til gudstenesta som vi kallar Klar! Ferdig! Gå! Vi inviterer alle til ei enkel gudsteneste som er tilpassa barn og unge. Etterpå serverer vi grillmat medan det er mange aktivitetar og moro for barn i alle aldrar på kyrkjebakken. Det blir for eksempel hoppeslott, jungeldyr, sporløp og meir til. Sjølvsagt er det også kyrkjekaffi!
Vi ønskjer at Klar! Ferdig! Gå! skal samle barn mellom 0-100 år for å ha det kjekt ilag. 5-åringane og 2.klassingane er altså spesielt invitert til gudstenesta og får også utdelt ei gåve. Påmelding til dette er i eit eige skjema for dei som er 5 år og for dei som går i 2.klasse. Barnekoret Blessing deltek også i gudstenesta.
Alle er hjertelig velkomen – både til gudstenesta og tivoliet! Målet er å fylle kyrkja før vi går ut i strålande sol og har det kjekt saman der også.
Gudstenesta startar kl.11.00 og vi avsluttar på kyrkjebakken om lag kl.14.00.
Hjertelig velkomen til store og små!