Ein liten presentasjon av vår samarbeidspartnar NMS sitt engasjement i Estland - som også er vårt Misjonsprosjekt her i Sula sokn.
Dette er vi med på:
- Bygging av kyrkjelyd og kyrkje i Saku og Mustamäe med alt det innebær:
Søndagsskule, babysong, fotballgruppe, gospelkor, konfirmantarbeid, bibelgrupper, gjenbruksbutikk, kyrkjelydsblad, gudstenester, familiearrangement
- Mediearbeid av og for ungdom
Magasin, radiosendingar, film og innhald til sosiale medium
Estland
1,32 millionar innbygjarar. Av desse er 9,9% protestantar og 16.2% ortodokse. Estland er "rikast" av dei baltiske statane, men har stor arbeidsløyse. Mange innbyggarar er framleis fattige.
Fram til 1940 blei den lutherske kyrkja rekna som den tradisjonelle folkekyrkja i Estland.
Etter 50 år med kommunisme blir landet no rekna som eit av dei minst religiøse i Europa.
Gjennom sovjettida var trusopplæring og alt arbeid blant barn og unge under 18 år strengt forbode.
Den estisk evangelisk-lutherske kyrkja (EELK) ønskte derfor hjelp frå NMS til å få igong barne- og ungdomsarbeid igjen.
I 2010 blei det etablert ein kyrkjelyd i Mustamäe, ein bydel i Tallinn. Frå 2019 har kyrkjelyden sine aktivitetar gått føre seg her, i det som skal bli eit nytt, flott kyrkjebygg i bydelen.
Året 2011 starta NMS og EELK eit kyrkjelydsplanteprosjekt i Saku, utanfor Tallin. No blir det også bygd kyrkje her - den første med solcellepanel på taket i denne delen av Europa.
Fotballgruppa i kyrkjelyden i Saku er populær. I tillegg har kyrkjelydane søndagsskule, babysong, familiedagar, ungdomsgrupper med meir. Kyrkjelyden i Mustamäe driv gjenbruksbutikk og har eige kyrkjelydsblad. Begge kyrkjelydane inkluderer lokalmiljøet i ulike arrangement.
NMS støttar også PlussMedia - eit kristent arbeid av og for ungdom der dei unge sjølv lagar magasin, radiosendingar, film og innhald i sosiale medium.
NMS sin visjon er:
EI LEVANDE KYRKJE OVER HEILE JORDA.
------------------------------------------------------------------------------------------------------
Støtt aksjonen - SAMAN SOM KYRKJE I HEILE VERDA!
Aksjonen varer frå Kristi Himmelfartsdag til Sankt Hans. Seks veker med fokus på internasjonalt engasjement i kyrkjelyden og vårt misjonsprosjekt i Estland.
Støtt via Spleis innsamlinga vår eller via Vipps: 690399 (Misjonsprosjektet i Estland).