Oppslagstavle

Loppemarknad 21. september

3.9.2024

Velkomen til loppemarknad på Førde kyrkjetun, laurdag 21. september 2024 kl. 10.00-14.00 med sal av lopper og kafé. Velkomen til ein hyggeleg marknadsdag med gjenbruk som motto! Vi tek imot lopper fredag 20. september frå kl 12.00-19.00.

Stølsmesser i Holsen og Haukedalen

4.7.2024

Stølsmesser / Friluftsgudstenester i Holsen og Haukedalen

Fasteaksjonen 2024

7.6.2024

Kirkens Nødhjelp takkar for ein fantastisk innsats i fasteaksjonen! Dessverre kan ikkje Vipps levere data om kor mykje som vart samla inn i kvar kommune i år, men i heile Norge har det kome inn nesten 23 milllionar kronar - omtrent det same som i fjor. I bøssane kom det inn kr. 33 527,- i Førde og kr. 5858,- i Holsen og Haukedalen. Tusen takk!

Vakuum-veke 2024

30.5.2024

Aktivitetsdagar for 1. - 4. klassingar 13.-16. august på Førde barneskule og Førde kyrkje. Vakuumveka er full av aktivitetar og gode opplevinga og er ein del av trusopplæringa i Førde, Holsen og Haukedalen kyrkjer. Barna skal bli betre kjende med kyrkja og få ei innhaldsrik veke før skulestart Deltakaravgift: kr. 950. Syskenrabatt på kr. 100. Vi gir fritak for betaling ved behov. Ta kontakt! Påmelding på https://minkirkeside.no/Sunnfjord innan 30.juni.

Førde kyrkje

13.5.2024

Førde kyrkje blir stengt for gravferder i tre veker grunna arbeid med ny varmesentral.

Konsert for Ukraina

5.4.2024

Bandura musikkgruppa frå Lviv i Ukraina er på norgesturne, og kjem til Førde kyrkje fredag 12. april kl.18.00. Billettar er kr.300 (barn under 12 år, gratis) og alt går uavkorta til hjelpearbeid i Ukraina.

Joan of Arc - stumfilm med orgelmusikk 21. mars kl.19.00 i Førde kyrkje

21.3.2024

The Passion of Joan of Arc (1928) er ein fransk stumfilm som bygger på dei faktiske rettsdokumenta frå rettssaka mot Jeanne d’Arc. Filmen er regissert av Carl Theodor Dreyer og blir framleis omtala som filmhistorisk viktig. Mellom anna er han kjend for sine filmfotografi, nærbilde, fråvær av sminke, lysbruk og svære betongkulissar. På kyrkjeorgel: Erlend Os

Samtalegruppe – for deg som har mista ein som stod deg nær

5.2.2024

Sorggruppe er eit tilbod til deg som har mista ein nærståande. Støttegruppa vil vere ein stad der du kan dele tankar og erfaringar med andre som opplever liknande situasjon. Ein stad der sorg og sakn kan få plass – men også håp og livsmot. Oppstart 17. oktober. Påmelding innan 14. oktober.

Konfirmasjonsdatoar 2025

15.1.2024

Konfirmasjonsgudstenester 2025 Førde kyrkje, Holsen og Haukedalen kyrkjer.

Jul i Førde kyrkje

30.11.2023

Bli med og feire jul i Førde kyrkje! Her er mange konsertar og gudstenester å velje mellom. Her er det plass til alle - velkomen!

Julefeiring på Førde kyrkjetun

30.11.2023

Velkomen til julefering på Førde kyrkjetun julaftan kl.17.00-22.00! Det vert servert tradisjonell norsk julemat, vi syng julesongar og har nokre gode timar saman.

Deilig er jorden

10.10.2023

Opplev en julekonsert som vil berøre hjertet ditt og fylle deg med den ultimate julestemningen. De norske sangskattene Rein Alexander, Anita Skorgan og Christine Guldbrandsen, med deres lange fartstid og uforglemmelige konserter, inviterer deg til en magisk opplevelse du ikke vil gå glipp av onsdag 6. desember kl.18.00 i Førde kyrkje.

Temasamlingar: Vegen vidare

2.10.2023

Temasamlingar for vaksne i Førde kyrkje hausten 2023. Kva lengtar du etter i livet ditt? Vi har mange ynskjer og draumar for liva våre. Vi kan leve gode liv og ha det materielt godt, og likevel kjenne på tomheit. Vi kan bere på ei djup lengsel som vi ikkje heilt veit kva er. Vi kan kjenne på at den Gud eg trudde på som liten ikkje svarar på dei utfordringane eg møter i vaksenlivet. Vi kan oppleve at den trua vi hadde har vorte uviktig, eller heilt borte, undervegs på livsvegen. Bibelen opnar opp for denne undringa, dei vanskelege spørsmåla, tvilen og lengselen vår etter eit djupare og sannare liv. I møte med tekstar frå Bibelen og i samtale med kvarandre kan vi saman hjelpe kvarandre på vegen mot ei fornying av trua som vaksne menneske.

Stille Natt Hellige Natt

22.9.2023

Onsdag 29. nov. 2023 kl.21:00 i Førde Kyrkje. Billetter på Ticketmaster.no. Artister: Rune Larsen, Alexander Rybak, Anna-Lisa Kumoji og Ole Børud. Musikere: Tove Kragset på tangenter og Jon Arne Bjørnstad på gitarer.

Leir for fjorårskonfirmantar på Alværa 22.-24. september

13.9.2023

Velkomen til leir for 08-ere i Jølster, Førde og Naustdal. Fleire har uttrykt ynskjer om å dra på leir, sjølv om konfirmasjonstida er ferdig. Vi i kyrkja ynskjer å imøtekomme dette og arrangerer derfor leir på Alværa leirstad 22.-24. september. Vi skal treffe nye og gamle vener, spise god mat, spele spel, ha kvelds- og morgonsamlingar i lag og anna moro både ute og inne! Velkomen, du som høyrer til 08-kullet og ynskjer å vere med på leir, om du har konfirmert deg i kyrkja eller ikkje!

Pilegrimsvandring og kvardagsmesse

30.8.2023

frå Blomereina ca. kl.17.45 til Førde kyrkje. Kvardagsmesse og enkel servering kl.19.00 Mogeleg for alle å vere med!

Kyrkjekontoret stengt på tysdag

1.8.2023

Førde kyrkjekontor held stengt tysdag 8. august pga gravferd.

Tvisyn i kyrkja

21.4.2023

Førde sokn inviterer til ope møte kring tema likekjønna vigsel på Førde kyrkjetun torsdag 27. april kl. 19.00 . Kyrkja vår er mangfaldig og har rom for oss alle. I ein slik «storfamilie» er det naturleg at vi har ulike syn og meiningar om viktige spørsmål. Dette kan vere tema som naturvern, rettferdig fordeling og kyrkje i samfunnet. Når vi møtes unngår vi desse spørsmåla for ikkje å støyte kvarandre.

Familiesøndag 30. april

14.4.2023

30. april vert det ny Familiesøndag med tur til Hunsrasta. Oppmøte på parkeringsplassen på Langeland klokka 16.00 uansett ver! Ta med eigen grillmat! Vi ynskjer velkommen til alle! Her tenker vi storfamilien; barn i alle aldrar, foreldre, besteforeldre, tanter og onklar.

Bli med og pynt påskekrossen

30.3.2023

Det ligg ein kross på gravplassen bak kyrkja i Førde. Ta ein tur og set ned di påskeplante, så får vi fylt opp med flotte gule blomar framover mot påskedagen.

Oppslagstavle

Loppemarknad 21. september

Stølsmesser i Holsen og Haukedalen

Fasteaksjonen 2024

Vakuum-veke 2024

Førde kyrkje

Konsert for Ukraina

Joan of Arc - stumfilm med orgelmusikk 21. mars kl.19.00 i Førde kyrkje

Samtalegruppe – for deg som har mista ein som stod deg nær

Konfirmasjonsdatoar 2025

Jul i Førde kyrkje

Julefeiring på Førde kyrkjetun

Deilig er jorden

Temasamlingar: Vegen vidare

Stille Natt Hellige Natt

Leir for fjorårskonfirmantar på Alværa 22.-24. september

Pilegrimsvandring og kvardagsmesse

Kyrkjekontoret stengt på tysdag

Tvisyn i kyrkja

Familiesøndag 30. april

Bli med og pynt påskekrossen

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari