Oppslagstavle

Kyrkjelydshusbasaren

8.10.2024

Hjerteleg velkomen til den årlege basaren til inntekt for Sande kyrkjelydshus søndag 27. oktober etter gudstenesta i Sande kyrkje kl.14.00. Det blir div. underholdning, m/salg av lodd og årer. Det blir og råd å få kjøpe mat. Dei som vil gi ting til gevinster, kan levere dei på kyrkjekontoret onsdagar mellom kl.09.00 og kl.14.30 eller på basaren. Du kan også kjøpe lodd på Spar dagen før.

Konfirmasjonsdatoar i Gaular 2025:

3.5.2024

Viksdalen 24. august, Bygstad 31. august, Sande 07. september. I løpet av mai vil vi sende ut brev om påmelding til nye konfirmantar - det kjem i posten.

Myldrekyrkje på Sande

2.5.2024

«Myldrekyrkje» er eit nytt gudstenestetilbod på Sande – og det ligg i namnet at her er det låg terskel for å myldre saman. Det gjer ingenting om små barn spring rundt og er litt på og av. Det er rom for prat, både om dagens tema, men også berre i det å kome saman! Neste myldregudsteneste blir søndag 24. november kl. 11.00.

Sorg kan ha mange ansikt

2.5.2024

Det finst kjærleikssorg, sorg for eit havarert samliv, sorg over helseproblem, over at ein må flytte eller er utan arbeid, at ein mistar eit kjæledyr – lista er lang. I denne artikkelen som først vart publisert i Kyrkjebladet for Gaular er det sorgen over å miste ein person som har betydd mykje for ein vi vil fokusere på. Sorg kan kjennes som ein knekk i livet som ein ikkje alltid ser korleis ein skal reise seg frå. Men det går an – slik bjørka på bilete minner oss om. Men spora vil alltid vere der. Som arr etter sår. Etter ei tid kan ein kanskje berøre såret og arret utan at det byrjar å blø kvar gong?

Påskefrukost og påskevandring for heile familien

25.3.2024

Kl. 09.45 1. påskedag begynner vi med påskefrukost på Sande kyrkjelydshus. Ta med det du vil ete. Egg, kaffi, te, mjølk eller juice får ein på kyrkjelydshuset. Aktivitet denne dagen blir: Påskevandring! Vi «vandrar» gjennom påskedagane, frå stasjon Palmesøndag til Skjærtorsdag, Langfredag og Påskedag – og det er både aktivitet og gudsteneste. Tips: Ta med påskeliljeplante med jord! Den skal vi pynte med ute!. GOD PÅSKE!

Velkomen til påskegudsteneste!

25.3.2024

Det er gudsteneste i alle kyrkjene i Gaular i påske. Kva med å reise rundt til fleire og få med deg heile påske dag for dag?

Opne kyrkjer i Gaular på Helgemessesundag

31.10.2023

Kyrkjene i Gaular blir opne for alle som vil tenne lys, be ei bøn eller berre sitte stille ei stund på Helgemessesøndag. Kyrkjene blir opne mellom klokka 17.00 og 19.00.

Gaular kyrkjekontor stengt onsdag 18. oktober

12.10.2023

Gaular kyrkjekontor er dessverre stengt onsdag 18. oktober. Du får hjelp på kyrkjekontoret i Førde og ved å ringe til sentralbordet på 57 82 81 80 mellom kl.09.00 og kl.14.30 alle vekedagar. Normal opningstid i Gaular: onsdagar kl.09.00-14.30 eller etter avtale.

Velkomen til kyrkjelydsmiddag

6.10.2023

Søndag 15. oktober kl. 11.00 er konfirmantjubilantane frå heile Gaular sokn invitert til gudsteneste. Etterpå er det kyrkjemiddag på Tønna, som er opent for alle. Det vert raspeballar på menyen, med noko søtt attåt kaffien. Vi håpar at så mange som mogleg har lyst til å komme! Pris: 250 kr for vaksne og 150 kr for born. Frist for påmelding er fredag 13. oktober. Påmelding til kyrkjelydsmiddagen gjer ein ved å sende e-post eller melding til: Ragnhild Stav: 909 67 627 eller: ragnhild.stav@sunnfjordkyrkja.no. Vel møtt!

Årsmøte i kyrkjelyden

2.3.2023

Søndag 26. mars blir det årsmøte for Gaular sokn rett etter gudsteneste i Bygstad kyrkje kl.11.00. Klikk på "les meir" for årsmeldinga.

Medlemskontingent 2022

30.11.2022

I år blir den frivillige medlemskontingenten for Viksdalen føremiddagstreff samla inn på nett: https://sondagsskolen.profundo.no/medlem. Du kan betale med Vipps eller med kort.

O helga natt

28.11.2022

Julekonsert med Sande blandakor, Førde kammerkor, og songarar frå Viksdalskoret og Naustdal songlag med solistar. Søndag 18. desember i Viksdalen, Sande og Naustdal.

Orgelet i Viksdalen kyrkje fyller 100 år!

24.10.2022

I høve orgeljubileet i 2023 ynskjer ein å få realisert planane om restaurering og utviding av orgelet med ei 4 fot prinzipal-stemme. Prosjektet har kostnadsramme på kr. 207.000.- eks. mva. Innsamling starta i 1993. Totalt inkomt beløp: kr. 120.000,-. Kr. 87.000,- gjenstår å samle inn. Vi oppfordrar lag, organisasjonar og enkeltpersonar i heile soknet om å bidra med gåver til arbeidet. Bankkontonr. 3705.40.68353 (merk betaling med "orgel Viksdalen") eller Vipps #768919 kan nyttast ved innbetaling.

Feirar pinse med friluftsgudsteneste

2.6.2022

Oppdatering 05.06.22: Gudstenesta pinsedag blir på Bjørvikstølen. Vel møtt. Når sola skin og det er varmt og godt ute, då flyttar vi kyrkja ut i Guds store katedral og feirar gudsteneste med flott natur som råme. Pinsedagen 5. juni ønskjer vi velkomen til Bjørvikstølen (Bygstad) klokka 11.00. Det er veg heilt fram (bomveg). Det er omlag 50-100 meter å gå frå vegen og opp på stølsvollen. Ta med noko å sitje på og mat og drikke til den sosiale praten etter gudstenesta.

Føremiddagstreff i Viksdalen

9.5.2022

Velkomen til ei hyggjeleg samling for barn og foreldre/besteforeldre på Viksdalen bygdetun onsdag 18. mai kl.13.00!

Velkomen til påskegudsteneste!

8.4.2022

Her i Gaular har det i mange år vore halde påskenattsgudstenester, men korona har stukke kjeppar i hjula for mangt. No vil vi prøve å få det til igjen i år. Påskenattskoret er eit prosjektkor som blir samla og løyst opp att same kvelden/natta. Songglade menn frå heile Sunnfjord og nabokommunane er hjarteleg velkomne. I år blir det i Bygstad kyrkje påskeaftan klokka 23.30. Kvelden startar med øving kl. 21.30. Det blir pause med ein matbit før gudstenesta. For dei som har vore med før, blir det likt det som har vore. For nye vil det vere ei spesiell oppleving med mektig mannskor. Det aller meste er unison song, så det er lett å lære når mange kan det frå før. Er du interessert, meld frå til kantoren vår, Asbjørn Flåm på e-post: asbjorn.flaam@sunnfjordkyrkja.no, eller tlf: 92427287. De som har vore med før, prøver å få med fleire. Saman får vi oppleve overgangen frå mørkret og døden til ljoset og livet. Vel møtt.

Hjort på gravplassen i Bygstad

1.4.2022

Gaular sokneråd inviterte til synfaring etter gudstenesta 24. april i Bygstad med tanke på korleis vi på best mogeleg vis kan løyse utfordringa med hjort på gravplassen.

Tenn eit lys i aust...

17.3.2022

- for fred - for alle som hungrar og tørstar etter rettferda - for alle som sørger i Ukraina, men også i Russland der mange sørger over uduglege leiarar og meiningslause tap...

Ordinasjonsgudsteneste med kyrkjelydsfest

1.3.2022

Søndag 6. mars blir Ragnhild Stav vigsla til diakon i Sande kyrkje. Vi samlast til fest i kyrkjelydshuset kl.15.00. Det blir servert ein god middag med sosekjøt, og kaffi/te med lefser, kringle og natronkaker kr.250 per person. Påmelding til kyrkjekontoret tlf 57828180 innan fredag kl.14.30. Kl.17.00 blir det vigslingsgudsteneste i Sande kyrkje med biskop Halvor Nordhaug. (Ikkje påmelding til gudstenesta.) Det blir ikkje gudsteneste i Bygstad kyrkje denne søndagen. I staden for ønskjer vi alle velkomen til Sande.

Fastelavnssøndag på Sande

23.2.2022

Det blir kaffi, saft og nybakte fastelavnsbollar både i kyrkja, og på kyrkjelydshuset til dei som har lyst å stoppe litt lenger igjen etter gudstenesta på Sande. Velkomen!

Oppslagstavle

Kyrkjelydshusbasaren

Konfirmasjonsdatoar i Gaular 2025:

Myldrekyrkje på Sande

Sorg kan ha mange ansikt

Påskefrukost og påskevandring for heile familien

Velkomen til påskegudsteneste!

Opne kyrkjer i Gaular på Helgemessesundag

Gaular kyrkjekontor stengt onsdag 18. oktober

Velkomen til kyrkjelydsmiddag

Årsmøte i kyrkjelyden

Medlemskontingent 2022

O helga natt

Orgelet i Viksdalen kyrkje fyller 100 år!

Feirar pinse med friluftsgudsteneste

Føremiddagstreff i Viksdalen

Velkomen til påskegudsteneste!

Hjort på gravplassen i Bygstad

Tenn eit lys i aust...

Ordinasjonsgudsteneste med kyrkjelydsfest

Fastelavnssøndag på Sande

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari