Alle kan sjå gudsteneste i Førde kyrkje julaftan, på FIRDA si heimeside, www.firda.no, frå kl.14.00.
For dei aller fleste kyrkjene og julegudstenestene i Sunnfjord vil vi frå måndag 14. desember kl.12.00 opne for digital påmelding via kyrkjelydane sine heimesider. Du kan melde på deg sjølv og eventuelle husstandsmedlemmer, som altså er del av same kohort. Du slepp då å oppgi namn og telefonnummer når du kjem til kyrkja, og du kan sjå at det er plass allereie når du melder deg på.
Når vi ser på plassering av påmelde grupper, kan avstandskravet medføre at maks-talet på 50 dessverre må reduserast i etterkant av påmeldinga.
Dei sist påmeldte vil då bli kontakta om dette.
Vi ynskjer først og fremst at du nyttar digital påmelding, men det vil og vere mogleg å ringe kyrkjekontoret og melde seg på.
Oversikt over gudstenestene ligg her.
Velg den aktuelle gudstenesta, les informasjon om påmelding.
Ved digital påmelding viser: klikk her for påmelding.
Her finn du også aktuelt telefonnummer for påmelding.
Ved frammøte til gudsteneste utan førehandspåmelding, kan vi ikkje garantere plass.
For at flest mogleg skal kunne få delta på ei gudsteneste i jula, oppmodar vi til påmelding til kun ei gudsteneste – julaftan eller 1.juledag.
Kyrkjedørane opnar 30 minutt før gudstenesta tek til.
Har du meldt deg på, må du møte seinast 20 minutt før gudstenesta tek til. Du/De vil då få tilvist plass i kyrkja. Dersom ein ikkje møter fram, går plassen til nokon som står og ventar på plass.
Hjelp gjerne kjenningar som du veit ynskjer å delta, men som kanskje ikkje kjenner til påmelding på nett. Pass i så fall på å starte på ny påmelding for kvar enkelt husstand du hjelper.
Konsekvent gjeld som før at deltakarane
• må vere friske
• halde 1 m avstand, 2 m ved allsong
(folk frå same husstand kan sitje tettare)
• har god handhygiene – ta på handsprit når du kjem
• minst mogleg bevegelse i lokalet og minst mogleg berøring av utstyr