I serien tok Monsen med seg ei gruppe mennesker med funksjonsnedsette evner over Nordkalotten. Opplevelsen endret livet til Tare, i positiv forstand. I samarbeid med gode støttespelarar har han i ettertid tatt mang ein utfordring – og han elskar no ekstreme utfordringar.
I vår har Tare eit prosjekt som handlar om å sykle til alle dei 28 stavkyrkjene i Norge. Idèen og inspirasjonen til prosjektet kjem frå Lars Mytting si bok ”Søsterklokkene”, der ei stavkyrkje i bygda spelar ei sentral rolle. Geografisk er stavkyrkjene spredt frå Trondheim (Sverresborg) i nord, til Oslo (Bygdøy) og Telemark i sør.
Prosjektet til Tare handlar denne gongen mindre om mestring av store fysiske og mentale utfordringar, tross handicap, men meir om stavkyrkjene som viktig historisk, kulturelt og religiøst fenomen opp gjennom århundrene. Både hedensk, norrøn og kristen tro og kultur viser seg i stavkyrkjene, for eksempel i utsmykningar og interiørdetaljar elles.
Miljøaspektet vil han også bidra til å belyse med dette stavkyrkjeprosjektet. Han sykler eltandem-sykkel!
For Tare er det alltid viktig å inspirere og oppmuntre andre funksjonshemmede og andre til å utnytte og bruke dei ressursane og evnene ein har. Mange med nedsette funksjonsevnar har lett for å fokusere på sine begrensningar. Då kan kvardagane lett bli lange og triste.
Turen til Tare starta heimefrå, i Oppdal, den 5.mai og blir avslutta i Trondheim 5.juni.
Den 15.mai var turen kome til Lomen stavkyrkje. Gullik Stee i Lomen sokneråd møtte Tare og følget hans ved stavkyrkja, og hadde omvising for dei, før dei måtte haste vidare til neste mål; Høre stavkyrkje i Vang.
Takk til Tare som tok turen til oss! Takk for den inspirasjonen du gjer til oss rundt deg - du er rett og slett forbilledleg - og vi har så mykje å lære av deg! Vi ønskar deg god tur vidare og lukke til med neste prosjekt – kva no det blir?!
Alle bilete frå stavkyrkja er tatt av Hanne Løvrød Granheim. Portrettbilete/bokomslagbilete av Tare er henta frå heimesida hans: tareteksum.no