- Det er vel helst ved større anledningar me møter opp i kyrkja, og når me fylgjer ungane i trusopplæringa. Og då er det ikkje alltid eg fylgjer med i preikene, men det hender. For vår del vert det heller ein tur til fjells sundagane. Det er fantastisk når du får til ein lang skitur ein sundag.
- Den kristne trua var ein naturleg del av oppveksten min. Alt som er skrive om Jesus - det er vel ingen som har motbevist at det har funne stad? Eg trur ikkje det berre er tull. Å ha eit ope sinn er viktig.
- Eg er glad for at me har ei kyrkje. Det er ein god plass å møtast, både i glede og sorg. Og det er bra at det no kan vera både applaus og latter der.
Bjørn Harald er elektrikar og vaktmeister i Leikanger kommune. Brannvern er også ein del av ansvarsområdet.
Utdrag frå side 90 i Kyrkjefolk av Egon Askvik (Skald forlag)