Åndeleg vegleiing i Møre bispedøme
Mange ønskjer å samtale om eksistensielle spørsmål i livet. Særleg unge menneske blir i dag stilte framfor mange val. Diakonien søkjer å gi rom for samtale og refleksjon, med hjelp og støtte i vanskelege valsituasjonar.
Den lokale kyrkja gir tilbod om sjelesorg, åndeleg vegleiing, etisk refleksjon og praktiske omsorgsoppgåver. Aktørar som t.d. Kirkens SOS kan hjelpe menneske i krise.
Både den individuelle forbøna i det fortrulege rommet og den offisielle forbøna i gudstenesta gir styrke og fornying. Eigne forbønsgrupper kan løfte fram enkeltmennesket og utfordringar ein står framfor.
I dag uttrykkjer mange større og større behov for å ha det stilt, kvile og vere langsame. Slike behov vil diakonien møte ved å tilby retreat, stille rom, gatekapell, opne kyrkjer, spesielle gudstenester, pilegrimsvandringar mm.
Åndeleg vegleiing i Møre bispedøme
Diakoni ● Sjelesorg ● Sorg og krisearbeid ● Skaparverket ● Internasjonal rettferd ● Kriseberedskap