Vi kan gjennomføra dåp med maks 20 til stades totalt. Dåpsfamiliar som får endra tidspunkt, vil bli kontakta. For gravferder har kommunen gjort unntak, her kan det vera inntil 50 deltakarar. Forskrifta gjeld i første omgang til og med måndag 23. november. OPPDATERT: Forskrifta vart forlenga til og med 6. desember med nokre justeringar.
Alle blir bedne om å unngå stader der ein treff mange folk dei næraste vekene. Men det er lov å gå tur og gå på butikken. Vis omsorg! Ta ein telefon til nokon du kjenner.
Så håpar vi at smitten kjem under kontroll att i byen vår og landet vårt - og at vi snart kan samlast i kyrkja og andre stader
Herren velsigne deg og vare deg!
Herren late sitt andlet lysa over deg og vere deg nådig.
Herren løfte sitt åsyn på deg og gjeve deg fred!
Nye korona-innstrammingar
6. november vedtok Bergen kommune ei forskrift som gjer at det ikkje er lov med fleire enn 20 personar på offentlege arrangement. For kyrkja betyr det at vi ikkje kan ha vanlege gudstenester eller andre samlingar no. Det blir ingen vanlege gudstenester på søndag. Om du høyrer kyrkjeklokker, er det fordi nokon har dåp.
