Program
Biskopen vil dele erfaringar og refleksjonar. Programmet vil ha eit innehald som løfter det viktige arbeidet som frivillige og tilsette står i. Sjølv om ein del av programmet vil bli prega av at dette er avskjed med Halvor, så er det inspirasjonen på vegen vidare biskopen vil løfte fram.
Hovudmal for samlingane er møte med alle dei tilsette i prostiet på dagtid frå kl. 11.30 til kl. 15.30 og ei samling for dei folkevalde og frivillige på kvelden frå kl. 18.00 til kl. 21.00.
Dagtid: Det vert enkel lunsj frå kl. 11.30 til kl. 12.15, og litt kaffimat klokka 14.30. Alle tilsette er inviterte, kyrkjeverja melder på sine tilsette til prosten.
Kveldstid: Vi startar med gudsteneste klokka 18 og det blir enkel kveldsmat rundt klokka 20. Sokneråda melder på sine medlemer til prosten.
Frist for påmelding: Ei veke før samlinga, sjå datoplan under.
Turné
- Bergen domprosti: 27.09.22 - Føremiddag: Domkirken. Kveld: Nygård kirke
- Bergensdalen: 28.09.22 - Sælen kirke
- Åsane: 29.09.22 - Åsane kirke
- Hardanger og Voss: 04.10.22 - Norheimsund kyrkje
- Sogn: 05.10.22 - Føremiddag: Quality Hotel Sogndal. Kveld. Stedje kyrkje og Quality Hotel.
- Nordfjord: 06.10.22 - Føremiddag: Eid kyrkjetun. Kveld: Nordfjord hotell
- Nordhordland: 25.10.22 - Føremiddag: Fjon kyrkje. Kveld: Knarvik kyrkje.
- Sunnfjord 27.10.22 - Føremiddag: Førde kyrkjetun. Kveld: Førde kyrkje.
- Vesthordland: 01.11.22 - Foldnes kyrkje
- Fana: 02.11.22 - Fana menighetshus
- Sunnhordland 03.11.22 - Prostidag på Stord
Avskilsgudsteneste i Bergen
Halvor Nordhaug sluttar som biskop 1. desember 2022. Avskilsgudstenesta blir 20. november i Bergen domkyrkje klokka 11.00. Denne gudstenesta er open for alle.
I samband med denne gudstenesta blir det ein lunsj med inviterte gjester frå bispedømet og nasjonalt. Mellom anna bispedømerådet, alle fellesrådsleiarar og representantar frå ulike organisasjonar og samfunnsinstitusjonar.
Det betyr at avskilsmarkeringa med dei fleste blir i samband med prostisamlingane.
Ny biskop
Ny biskop i Bjørgvin blir tilsett i Kyrkjerådet sitt møte 10. - 11. februar 2023. Vigslingsgudstenesta blir 16. april 2023 i Bergen, med Hans Majestet Kongen til stades (med atterhald).