I Den norske kyrkja blir dei fleste døypte når dei er små, ofte i løpet av dei første tre månadene. Det er inga aldersgrense for dåp, og konfirmasjonstida fører kvart år til at mange unge ønskjer dåp. Viss du er vaksen og ønskjer å bli døypt, kan det vera aktuelt med ei kort opplæring i den kristne trua før dåpen (sidan du då ikkje har fått med deg opplæringa i samband med konfirmasjonen). Ved dåpen blir ein medlem i Den norske kyrkja.
Etterfølgjarane til Jesus fekk i oppdrag å døypa og læra dei alt som Jesus hadde sagt dei. Sidan kyrkja vår døyper born, er det viktig at barnet får opplæring i kristen tru. Ved dåpen seier presten blant anna dette til foreldre og fadrar:
Saman med kyrkjelyden vår og heile kyrkja får de del i eit heilagt ansvar: å visa omsorg for henne/han/dei, be for henne/han/dei, læra henne/han/dei sjølv(e) å be og hjelpa henne/han/dei til å bruka Guds ord og delta i den heialge nattverden, så ho/han/dei kan leve og vekse i den kristne trua.
Kyrkjelydane har tilbod om trusopplæring for alle døypte.
Dele-knapper kan ikke vises uten at du samtykker til bruk av funksjonelle cookies. For å gjøre dette må du trykke på knappen helt nederst i venstre hjørne og marker sjekkboks for funksjonelle cookies og deretter klikke på \"Oppdater samtykke\". Evt. klikk på \"Godta alle cookies\" for å godta alle kategorier av cookies. Deretter må du laste siden på nytt.
