Det første som skjedde var at ein måtte setje inn fleire bord og stolar, for det var mange som ville ha med seg denne basaren. Helge Dyrkolbotn leia oss gjennom ettermiddagen, og Per Børge Hillestad holdt eit flott ord for dagen. Austrheim songlag song i to avdelingar, og alle var enig med at det er fantastisk flott å høre på dei!
Denne basaren er eit av arrangementa i jubileumsåret til Austrheim kyrkje. Me fyller 150 år, og det vil me sjølvsagt markere. Det er allerede sendt ut kalendrar til alle husstander i Austrheim, og dei som ville ha fleire fekk anledning til å kjøpe det på basaren. Det var to åresal, og det var trekning på bok. Om ein ikkje vann noko, så kunne ein likevel vere godt fornøgd med all den gode maten som stod på bordene. Det kom inn nesten 80 000 kr på basaren, så det ser lyst ut for at me får ny gulvløpar i kyrkja. Den er venta å koste rundt 100 000 kr.
Takk til alle som var med å arrangere denne basaren, og til alle som møtte opp.
