Julekonsert med det engelske gutekoret Byron Consort

Fredag 15. desember kjem gutekoret «Byron Consort» frå Harrow School i London for å halda julekonsert i kyrkja kl. 19.30.

Harrow School  er ein av dei eldste og mest kjende kostskulane i England, der over 800 gutar mellom 13 og 18 år vert utdanna og bur på fulltid.  Skulen har mange kjende tidlegare elevar, blant dei er kanskje Winston Churchill den mest kjende.

Byron Consort er Harrow sitt elitekor og vart oppretta i 2001 av Philip Evans  som dirigerer koret.  Koret er sett saman av om lag tjue Harrow-gutar og fire til fem vaksne. Koret syng ein kombinasjon av kyrkje- og verdsleg musikk, det meste frå renessansen, romantikken og modernismen.

Heilt frå starten har koret opptredd regelmessig ved gudstenester og konsertar ved Harrow. Dei har også sunge i St Paul’s Cathedral, Westminster Abbey,  St George’s Chapel Windsor Castle, samt mange andre kyrkjer i London.

Koret har vore på mange turar til utlandet. Turneen som dei no legg ut på i Noreg,  vert deira syttande utenlandstur. I tillegg til konserten i Fitjar kyrkje  skal dei halde konsertar i Bergen, Tromsø, Lillehammer og Oslo.

 

Billettpris kr 150 - barn under 15 år, gratis
Billettar kan reserverast ved å senda e-post til kyrkja@fitjar.kommune.no

Trykk på lenkja under for å sjå plakat.

Kontaktinformasjon for Fitjar kyrkje

Kyrkjekontoret ligg i Fitjar rådhus

Ekspedisjonstid kyrkjekontor:  Tysdag, Onsdag, Torsdag, Fredag  kl. 09-15.00

Telefon: 53 45 85 00 (sentralbord) 
Postadresse:
Postboks 10, 5418 Fitjar 
E-post: kyrkja@fitjar.kommune.no