Etter at det er avtalt dåp i kyrkja (eller andre stadar som Kvitneset, Melshornet, Alskleiva, Melshornet eller bedehus i krinsane) tek presten eller ein annan tilsett i kyrkjelyden kontakt for å avtale dåpssamtale. Samtalen finn stad i kyrkja. Her går ein gjennom kva dåp er og praktisk informasjon knytta til gudstjenesta og dåpshandlinga.
Det er lurt å starte planlegginga i god tid, slik at dato for dåpsdag og eventuelt andre ting vert avklart.
BUR DU I ANNA KOMMUNE, MEN ØNSKJER Å DØYPE I HAREID?
Du kan sjølvsagt døype bornet i ein annan kommune enn der ein bur. Einaste skilnaden, er at ein må ha dåpssamtale i det soknet og kommunen som ein bur i. Her må dokke ta kontakt med kyrkjekontoret der ein bur, for å avtale dåpssamtale. Og så melder ein inn dåp i Hareid som vanleg. Vi tek årleg imot mange som ønskjer å døype i Hareid.
NAMN TIL DÅPSBARNET
Namn til dåpsbarn og namn på fadrane må vere avklart før dåpssamtalen (møtet med presten) som er ei tid i førekant av dåpen. Ta også med fødselsattest til dåpssamtalen, då vi treng fødsels- og personnummer for å registrere barnet til dåp.
FADRAR
Barnet skal ha minst to fadrar, og kan ha inntil seks. Å vere fadder handlar om å vise omsorg for barnet og bidra i barnet si trusoplæring. Fadrane må ha fylt 15 år, eller fyller 15 år dette året, og vere medlem av Den norske kyrkja, eller eit anna kyrkjesamfunn som ikkje forkastar barnedåp.
SPØRSMÅL?
Er det noko de ynskjer å spørje presten om? Tenk igjennom dette før dåpssamtalen. Døme: Ynskjer de ein spesiell salme, eller vil nokon i familien lese dåpstekstar frå Bibelen?
PROSESJON I KYRKJA
Når det er gudsteneste med dåp i Hareid kyrkje, er foreldre og barn vanlegvis ein del av den prosesjonen som går inn i kyrkja i starten av gudstenesta. Foreldra tek så plass på den benken som er reservert for den enkelte familien framme i kyrkja.
Sjølve dåpen kjem ganske tidleg i gudstenesta. Det er greitt at ein tek av barnet eventuell dåpshue før ein ber barnet fram til døypefonten.
Ved dåpshandlinga nyttar ein berre fornamnet til barnet (ikkje mellomnamn eller slektsnamn), men det fulle namnet vert teke med i informasjonen i gudstjenesta.
Medan barnet vert døypt, vert eit dåpslys tent og ei kvit dåpsdue blir hengt opp i greina for å symbolisere dåpen. Dette lyset vert overlevert til ein av fadderane, for så å stå og brenne framme i kyrkja under resten av gudstenesta. Familien får dåpsattest, dåpslys og dåpskluten med seg heim etter dåpen. Lystet kan ein tenne som ei fin markering på dåpsdagen i åra framover og mange tenn det også i høve konfirmasjonen.
Her følger dei liturgiske ledda i sjølve dåpshandlinga: sjå kirken.no og lenka til dåpen.
https://kyrkja.no/nn-NO/daap/dapsliturgien/
GUDSTENESTER MED DÅP I HAREID KYRKJE I 2024:
14. april
21. april
5. mai
09. mai (friluftsgudsteneste på Kvitneset)
19. mai
20. mai (friluftsgudsteneste på fjelltoppen Melshorn)
26. mai
02. juni
09. juni (Holesanden)
23. juni
07. juli (Ishavsskuta Aarvak i Brandal)
21. juli
04. august
18. august
01. september
08. september
22. september
29. september (Bigset bedehus)
06. oktober
Dersom nokon av dei oppsette datoane ikkje passar, er vi fleksible og kan prøve å tilrettelegge dåp på andre datoar om mogleg. Her må vi og ta hensyn til tilgjenglege ressurar. Ta eventuelt kontakt med kyrkjekontoret.
Alle må ta del på dåpssamtale før ein kan døypast. Dette er en samtale som handlar om kyrkja, dåpen og den som skal døypast. Dåpssamtalen blir haldne i Hareid kyrkje kl 17-18 ein gong i månaden, saman med andre dåpsfamiliar som skal døype i den nærliggande tida.
Dåpssamtale skal vere i det soknet som ein bu i, sjølv om dåpen skjer i eit anna sokn.
2024:
Torsdag 18. april kl 17-18
Torsdag 16. mai kl 17-18
Torsdag 27. juni kl 17-18