Saman på vegen 0-18 år
Samhandling skap resultat, og samhandling og relasjonar er noko som Hareid sokn er opptatt av både i lokalsamfunnet og elles. I vårt trusopplæringsarbeid, med aktivitetar for barn i alderen 0 til 18 år, ynskjer vi å vere med å skape gode verdiar med rett til å verte sett og verdsett.
Allereie ved døypefonten gjev kyrkja eit løfte om å støtte borna på trusvegen. Dette gjer vi ved å tilby undervisning på ulike alderstrinn.
Skule- og kyrkjesamarbeid
Tidlegare var det skulen og frivillige som sto for opplæringa saman med foreldre og fadrar, og kyrkja gav den siste oppfølginga med konfirmasjon. Skulen gjev framleis kunnskap om vår kristne arv og tradisjon, men har ikkje lenger ansvar som trusformidlar. Foreldre og fadrar er barnet sine medvandrarar og vegvisarar på trusvegen. No er det kyrkja som skal gje eit systematisk tilbod for alle fram til dei er 18. år. Staten har løyvd pengar til at dette no innførast i heile landet.
Hareid kyrkje ynskjer å legge til rette for at alle kan vere delaktige og kjenne seg verdsette. Borna kan ha ulike behov for tilrettelegging. Er det noko du vil at vi skal ta særskilt omsyn til for at barnet dykkar skal ha best mogleg ytbytte av samlingane, ber vi om at foreldra tek kontakt med oss.
24 ulike tiltak for born og unge i 2017
I 2017 gjennomførte vi 24 ulike tiltak med ulikt preg i løpet av skuleåret. Det er viktig å følgje både skuleruta og kyrkjåret. Vi har ikkje noko tiltak i løpet av skuleferier eller innklemte fridagar, vi brukar tida rett etter skuletid og ser at det fungerer veldig godt. Då hentar vi borna på skulen og tek dei med til kyrkje, bedehus eller utandørs. Dette gjeld og samlingar i krins, som igjen betyr at vi gjer same jobben 3-4 gongar i løpet av ei veke for å nå flest mulig born.
Her kan sjå dei ulike tiltaka i trusopplæringa i Hareid:
https://kyrkja.no/nn-NO/fellesrad/hareid-sokn/trusopplaring/