Programmet er laga av kvinner frå England, Wales og Nord-Irland. Dei ønsker støtte til bibelarbeid blant barn og til studiemateriell til refleksjon etter pandemien. (Kollekt til Vipps 94418, merk KIB).
Bønnedagen markerast over heile Noreg
Kvinnens internasjonale bønnedag blei starta av kvinner i USA i 1887. Bakgrunn var nøden dei såg blant immigrantar og etterkomarar av slaver. Kvinner frå ulike kyrkjesamfunn samla seg om ein felles bønnedag for desse. Nokre år seinare blei det satt fokus også på dei globale utfordringane.
I dag har bønnedagen komitear i meir enn 170 land og regionar. Kvinnenes internasjonale bønnedag ønskja å knytte ulike raser og tradisjonar saman i eit tettare fellesskap, slik at dei får auka forståinga for kvarandre og betre kan hjelpe og støtte kvarandre gjennom bønn.
På den internasjonale bønnedagen ønskjer kvinner over heile verda å stadfeste si tru på Jesus Kristus og dele håp og bekymringar, gleder og sorger med kvarandre.
Internasjonal bønnedag
Bønnedagen (World Day of Prayer) er eit internasjonalt økumenisk prosjekt med komitéar i meir enn 170 land og regionar. I Noreg starta denne tradisjonen på slutten av 1920-åra.
I Noreg er det ein eigen bønnedagskomité som tilrettelegg for dagen. Bibelselskapet har tatt på seg arbeidet med distribusjon av program, samt rekneskap for den norske komiteen for bønnedagen og Norges Kristne Råd har nettsideansvar.