Marginale midlar har gjort at arbeidet har blitt utsett i fleire år. Driftsåret 2023 utløyste midlar på disposisjonsfond, og det vart vedtak i fellesrådet (sak FR 09/24) om å prioritere vedlikehaldsarbeidet på kyrkjeorgelet. Planleggingsarbeid har vore gjort i tett dialog med orgelmeisteren og eit omfattande arbeidet vart utført i løpet av 4-5 sommarveker i 2024. Mellom anna hadde 23 piper så store skader at dei måtte transporterast til verkstad i Fredrikstad for omfattande reparasjon.
Nettokostnad kr 326.260, prosjektet utløyste momskompensasjon (mva kr 81.564).
I tillegg trengte nokre av pipene meir ventilasjon. Vår lokale handtverkar, Harry Røyset, fresa ut sprinklar i dørene, sette netting på baksida og mala frontane (sjå bilde nedanfor). Dette var etter dialog med orgelmeisteren som vart svært nøgd med resultatet. Dette er og eit viktig tiltak som er med på å ivareta orgelpipene som er plassert der.
Med eit komande 150-årsjubileum for Hareid kyrkje (2027), at vi er ei kulturbygd og at kyrkja er ein viktig kulturaktør, er fellesrådet takksam for at kyrkjeorgelet no har fått det vedlikehaldet som var nødvendig og at instrumentet ivaretakast for framtida.