Ved kyrkjevalet i Hareid har følgjande åtte personar blitt valt inn i Hareid sokneråd for perioden 2023-2027 med følgande rangering:
1. Stein Bernhard Karstensen (1954)
2. Leidulv Hareide (1953)
3. Karsten Robert Kirkebø (1974)
4. Sissel Anita Riise (1969)
5. Sissel Janka Knardal (1975)
6. Elisabeth Øvrelid (1970)
7. Elling Bjåstad (1973)
8. Marit Johanne Øien Sæverud (1957)
Og som varamedlemar er det følgjande fem personar med denne rangeringa:
1. Anne Liv Holstad (2000) (1. vara har møteplikt i soknerådsmøta)
2. Birte Kristine Mork Fure (1996)
3. Aud Helen Tjervåg Øvrelid (1995)
4. Vibeke Rafteseth (1981)
5. Marita Husøy Mork (1976)
Soknerådet er kyrkja sitt «styre» og representerer alle medlemmane innanfor kyrkjelyden. Det er summen av det lokale engasjementet som tel og eit breitt samansett sokneråd er såleis viktig for at alle skal kunne finne sin plass i kyrkja.
Om valet 2023
Ved soknerådsvalet i år var det 16 % (496 personar) som røysta. Totalt for både soknerådsvalet og bispedømevalet var det 16 % (497 personar) som røysta. Prosentvis fordeling på krinsane var for Hjørungavåg 16 %, Bigset 11 %, Hareid 11 % og Brandal 31 %. 6 av dei som stemte var under 18 år og 10,8 % hadde førehandsrøysta enten digitalt eller fysisk på kyrkjekontoret, på Hadartun eller i høve gudsteneste.
Saman med val av sokneråd vart det også valt nytt bispedømeråd i Møre bispedøme. Stemmesetlane til bispedømet er sendt vidare til bispekontoret i Molde for oppteljing der, og resultata vil bli presentert frå bispedømet.
Sokneråd
Soknerådet er det øvste organ i Hareid sokn, der sokneprest er fast medlem i soknerådet og kyrkjeverja er sekretær. Medlemmane vert valde for fire år. Det nye soknerådet trer etter regelverket i kraft frå 1. november 2023.
Vi ønskjer det nye soknerådet velkomen og alt godt for den oppgåva de er valt til!
Velkomen og lukke til!