Rettar og plikter som kyrkjemedlem
Den som meld seg ut av kyrkja, har rett til informasjon om konsekvensane som utmeldinga får. Ein har ingen kyrkjelege rettar og plikter viss ein meld seg ut.
Stemmerett ved kyrkjelege val. Utmeldte kan ikkje ta del ved soknerådsval eller i avstemningar i soknerådsmøter.
Kyrkjelege verv kan ein berre inneha som medlem av Den norske kyrkja (DnK). Utmeldte kan ikkje velgast inn i sokneråd, bispedømeråd, o.l.
Dåp er ei kyrkjeleg handling. Føresatte som er utmeldt kan ikkje utan vidare krevje å få sine barn døypt. Barnedåp forutsett at borna får opplæring i den kristne trua. Viss føresatte som ikkje er medlem av DnK, likevel ønskjer at bornet skal få ei kristen opplæring, og viss barnet får faddere som påtek seg ansvaret, kan bornet bli døypt etter nærare avtale med presten. Born som gjennom dåpen er blitt medlem av DnK, får moglegheit til å ta del i kyrkja si trusopplæring.
Fadder er oftast personar som er medlem av DnK. Også personar som er medlem av eit anna kristent trussamfunn og som ikkje forkastar bornedåpen kan velgast som fadder.
Ein fadder skal vitne om at bornet er døypt, og blir ikkje sletta frå dåpsregister sjølv om han/ho meld seg ut av kyrkja.
Konfirmasjon forutsett at konfirmanten er døypt i DnK eller i eit anna kristent trussamfunn. Udøpte kan ta del i konfirmasjonsførebuinga viss ønskjeleg, men kan ikkje ta del ved forbønshandlinga på sjølve konfirmasjonsdagen.
Stadig fleire unge og vaksne, døypas i høve konfirmasjon. Antal vaksendøypte er stigande i dei fleste folkekyrkjer i Europa.
Kyrkjeleg vigsel kan ikkje utførast viss ingen av brudefolka tilhøyrer DnK. Men viss ein av brudefolka er medlem vil dette normalt vere tilstrekkeleg for at vigsel kan skje i kyrkja. Kvar enkelt prest har høve til å nekte å vigsle brudefolka dersom ein av dei ikke tilhøyrer DnK.
Kyrkjeleg gravferd/bisetting dersom avdøde ikkje var medlem av DnK: Viss dei nærmaste pårørande ønskjer kyrkjeleg medverknad ved gravferda, har presten adgang til å forrette kyrkjeleg gravferd.
Kostnad i samband med gravferd/bisetting av personar som ikkje var medlem av DnK, må leigetakar (pårørande) betale etter satsar fastsett av fellesrådet som følgjer:
-Kostnad for leige av kyrkja
-I tillegg må det betalast ein godtgjersle for presteteneste (faktura kjem frå prostiet, ikkje Hareid sokn)
Dei borgarlege rettane berørast ikkje ved inn- eller utmelding av DnK.
Økonomisk:
Det er ikkje eigen kyrkjeskatt i Noreg. Alle registrerte trus- og livssynssamfunn motttek støtte pr. medlem frå staten, tilsvarande bevilgninga til DnK.
- Dersom du ønskjer å melde deg inn eller ut, kan gjere dette digitalt via internett her.