Andre innslag i gravferda
Somme tider får me spørsmål om visning av bilete eller film på storskjerm under gravferda. Bilete og film er sterke verkemiddel, som det ikkje er tradisjon for å bruka i sjølve gravferda, og som heller ikkje har nokon naturleg plass i liturgi-ordninga for gravferd. Her ber me om at ein nyttar minnesamværet etterpå til film og fleire bileter.
Minnesamvær
Etter sjølve gravferda er det mange som vel å ha eit minnesamvære. Me tenkjer at minnesamværet er ein naturleg arena for å syne bilete og film, på same måte som det er ein naturleg arena for andre måtar å dele minne om den avdøde.
I Kvam har me to kyrkjelydsalar som ein kan leiga til å ha minnesamvær, ein i Norheimsund kyrkje og ein i Strandebarm. Her er det opplegg til å visa film og bileter digitalt på storskjerm.
Ta kontakt med kyrkjekontoret på telefon 47 48 31 20 eller på email til post.kvam@kyrkja.no for å avtala leige.