Sorggrupper

Har du mista ein av dine næraste? Ynskjer du å snakke med andre i same situasjon? Då kan kanskje sorggruppe vera noko for deg. Det vert tilbod om sorggruppe for innbyggjarar i Lærdal og Aurland. Sorggruppa vil halde til i Kyrkjestova, ved Hauge kyrkje, Lærdal. Føremålet er å tilby eit samtalefelleskap som bidreg til at kvar enkelt kan få støtte til å sjå framover. Greitt å vite om sorggruppe: Mellom 4-8 deltakarar. Alle i gruppa har teieplikt. Gruppa samlast ca. annan kvar veke, ca. 10-12 samlingar. Tema basert, men fleksibelt. Samtalane tek ikkje utgangspunkt i tru eller livssyn. Sorggruppetilbodet er gratis. Sorggruppa vert leia av sokneprest Wenche Lie Lysne og kreftsjukepleiar Linda Mannes.