Vakker korsong med levande lys, akkompagnert av fløyte, piano og orgel, gjorde opplevinga ekstra spesiell. Liturg for dagen var sokneprest Maria Tveten, medan Åshild Eriksen var dirigent. Alle som kom, fekk lussekattar ved inngangsdøra, noko som bidrog til den varme og inkluderande stemninga.
Maria gav ein innsiktsfull refleksjon om tradisjonen med å henge opp stjerner i vindauga i desember. Den peikar på Jesu ord i Åpenberringsboka, der det står at han er «morgonstjerna». Denne symbolikken minner oss om at lyset alt er komen til verda, men samstundes at det skal kome att.
Ottesong er ei spesiell seremoni som kombinerer element frå anglikansk morgensong og svensk luciafeiring, og den trekkjer til seg folk i alle aldrar.
NRK radio
Foldnes kyrkje vart til og med omgjort til studio for «God morgen, Hordaland», der NRK sende direkte gjennom heile morgonen. Publikum fekk høyre vakre songar framført av kjende stemmer – alt frå lokale songarar til kyrkjegjengarar.
Høyr sendinga på NRK sine sider
Luciadagen – fleire tradisjonar i éin
Presten kunne også fortelle om at Luciadagen har røter i fleire ulike tradisjonar, som på kvar sin måte bidreg til den unike feiringa vi kjenner i dag:
-
Skumle Lussi: Denne tradisjonen stammar frå folketrua, der Lussi var ei frykta figur som kom for å sjå om folket var kome langt nok i juleforberedelsane. Dersom dei ikkje var det, kunne ho lage bråk – ho banka på vindauge eller komme ned pipa og øydelegge den.
-
Lucia-lyset: Den meir kjende svenske luciafeiringa handlar om lyset som skin i mørkret, der song og lysprosesjonar er viktige element. Denne tradisjonen har sitt opphav i legendene om den heilage Lucia, som bar lys til dei undertrykte.
Kombinasjonen av desse tradisjonane gjer at Luiadagen blir ei heilt spesiell oppleving som rører ved både gamle folketruar og kristne tradisjonar. Det er ei tid for ettertanke, fellesskap og glede over lyset som lyser opp mørkret – ei påminning om at det alltid finst håp.
