I år har nesten 200 born og ca. 35 vaksne vore på påskevandring langs «Kyrkjevegen» som går frå Foldnes kyrkje i retning Hjelteryggen. På dei ulike stasjonane «jul», «palmesøndag», «skjærtorsdag, «langfredag» og «påskemorgon», får borna oppleve påskeforteljinga med fleire sansar. Forteljarane er mellom anna pensjonerte lærarar frå kommunen vår, og det er tydeleg at dette er folk som er gode formidlarar. Borna er vakne og oppmerksomme, stiller gode spørsmål og syng med på påskesongane.
Vi ser at både born og vaksne i barnehagane set pris på å vere med på desse vandringane.
