Festeavgift

Busette i kommunen, fri grav og festeavgift

Avdøde personar med bustadadresse i Øygarden har rett til fri grav i ein periode på 20 år. Dersom ein ønskjer ei grav ved sida av (festa grav/dobbelgrav) må ein betale festeavgift for den grava frå første dag. Når ein fester ein grav ved sidan av betaler ein festeavgift for 20 år, deretter kvart 5. år. Etter siste gravlegging vert desse dobbelgravene rekna som ein gravstad. For gravplassar med gravlegging i to høgder skal det ikkje betalast festeavgift for grav nr. 2 frå første dag. jfr. Forskrift til gravferdslova § 18. 

Dersom pårørande ønskjer å bruke ei anna grav enn den dei får tilvist, det vil i praksis seie at ein ønskjer bruke opp att ei gammal grav, vil dette verte ei festegrav som ein må betale festeavgift for frå dag 1, sjølv om avdøde var busett i kommunen.

Busette i annan kommune

Avdøde personar med bustadadresse i ein annan kommune, kan bli gravlagt i Øygarden. Ein må då betale kostnadar med gravlegging og festeavgift frå første dag.

Fakturering av festeavgift

Fakturering skjer i 5-årsbolkar og går automatisk. Festar treng difor ikkje kontakte kyrkjeleg fellesråd når det gjeld fornying av feste. Ubetalt faktura vert purra. Dersom festeavgifta ikkje vert betalt vil grava til slutt verte sletta, med førehandsvarsling.