Han forklarte kva klimaendringane eigentleg handlar om, kva som skjer med veret og naturen rundt oss, kvifor det skjer, og ikkje minst: kva vi kan gjere med det. Krogsæter la særleg vekt på kva rolle kvar enkelt av oss spelar, og korleis den kristne kyrkja kan vere ei viktig stemme og ei handlande kraft i møte med klimautfordringane.
Kvelden blei avslutta på ei stillferdig og fin måte med kveldsbøn, leidd av sokneprest Lars Arne Vik. I bøna blei det sett ord på både uro, håp og ønskje om vilje til endring, i oss sjølve og i verda.