Fïerhten jaepien Saemien åålmegeraerie åarjelsaemien dajvesne jaapetje skyllijh skyllijeööhpehtimmien suehpeden/ruffien askese böörie.
Ööhpehtimmien våaroeh lea saemien identiteete, gïele jïh kultuvre jïh saemien kristen-goerkeles. Jïjtjehke skylleme lea mïetsken aske jïh tjåanghkojde lea joekehtsh sijjine åarjelsaemien dajvesne utniejibie. Jaepie 2012 dle skylleme lij Værnes gærhkosne jïh jaepie 2013 dle Yttern gærhkosne Raanan tjïeltesne. Daan jaapetje skyllijh 2014 edtjieh Rörosne gærhkosne skyllemem årrodh.
Skyllemeööhpehtimmie
Ööhpehtimmieh leah golmen aejkien jaepiej dle skyllijh tjåanghkenin. Voestes aejkien skïerreden aske. Fïereguhten tjåanghkoej gaske lea maajhööhpehtimmien baaktoe. Mubpien tjåanghkoe lea njoektjen aske 2014. Daan jaepien 2014, edtjijibie Saemien gærhkoeraerine ektievuekiebarkoem utnedh. Daan tjåanghkose dle gaajhkh saemienskyllijh abpe nöörjeste båetieh.
Nov sån daejriejibie naan skyllijh sijhtieh jïjtjedh hïejmeraeresne skylledh, mohte læjhkan åadtjoejidie dåeriedidh mijjen saemien ööhpehtimmesne jïh aaj dåeriedidh gosse edtjiejibie saemien ööhpehtimmide orrijidh gusnie åadtjoejidie orresth saemien rohkelassh dåastodh- dïhte rohkelassh mij hïejmeraeresne skyllijidie aaj vadta.
Åasa
Abpe dam tjåanghkoem maaksa 2500:- gosse gåejmie lea jïh 5000:- jis ij leah gåejmie Saemien Åålmegeraeresne. SÅR sæjhta fealadimmienåasam dijjide skyllijidie maeksedh fïereguhtene tjåanghkose. Jienebe bïevnesh dan bïjre fïereguhte skyllijidie åadtjoeh gosse jïjtjemdh bïeljelieh.
Bievnedh:
Gosse edtjijidie bievnedh dam gaskesaadtegem gaavnijidie dan jaapetje skyllijeprogrammesne mij fïereguhte skyllije fïerhten jaepien åadtjoeh suehpeden-ruffien aske. Jis skyllije leah jïh ij leah ennje dååsteme naan bïevnesh dam skyllemeprogrammen bïjre, dle maahta mijjese dov e-påastem seedtedh jallh mijjese ringkedh.
e-påaste: samiskmenighet@kirken.no
jallh drïekte mijjese
Meerke Krihke Leine Bientie, hietievurrieh Jaahkoeööhpehtæmman åarjelsaemien dajvesne. Tlf 41 28 82 27 jallh e-påaste: meerke@kirken.no
Gaebpien Monica, åvtehke SÅ, tlf 99 34 94 77 jallh e-påaste: monica.kappfjell@kirken.no
Bertil Jönsson, Diakovne tlf 99 48 88 27 jallh e-påaste: bertil.jonsson@kirken.no