Difor er det viktig for oss å seie: vi er framleis ein kyrkjelyd, og vi har framleis eit oppdrag i den tida som no er, sjølv om føresetnadene er endra. Vi treng Gud, vi treng kvarandre og verda treng oss.
Lag deg di eiga rutine for å lese eit ord frå Bibelen og be di enkle bøn. Ring nokon om du kjenner deg åleine, - og spør nokon om å be for deg om du er redd eller uroleg. Ta gjerne kontakt på telefon/e-post med nokon av oss som arbeider i kyrkja. Vi kan stå saman om vi ikkje er saman.
I Salmeboka vår er det ei gruppe salmar og songar merkte med temaet «Trengsel og trøyst». Ei av desse er frå Sør-Amerika og er ei håpstango. Vi helsar deg med refrenget frå denne salmen og bed om Guds velsigning over deg.
Salme 479 – Fordi han kom
«Så kan vi holde ut i vonde tider,
så vet vi Gud er nær selv når vi lider,
så kan vårt brutte håp som solen stige,
Gud er hos oss!»
Ingvald Andersen Frøyen
Sokneprest i Førde, Holsen og Haukedalen