- Å lære meg å sjå Skaparen i det skapte og i kvardagsmøta.
- Å koma nærare meg sjølv.
- Å kunne erfare at Gud er nær.
- Å få kjenne at livet mitt heng saman.
Temasamlingar og Bibelundervisning for vaksne.
Hausten 2023 inviterer Førde kyrkjelyd til fire samlingar berekna på deg som er vaksen og som kan kjenne deg att i noko av det vi har sett ord på i den innleiande teksten.
Med utgangspunkt i tekstar frå Bibelen og i samtale vil vi forsøke å nærme oss nokre av desse store spørsmåla.
Barnetrua og vaksentrua har det same opphavet, men spørsmåla og utfordringane er ikkje dei same. Difor trur vi desse spørsmåla er noko vi alle treng å jobbe med for at trua vår framleis skal vere levande og relevant for dei liva vi lever som vaksne.
Fordi sjølve livet lever og skifter utan stans, så er det viktig at vi minner kvarandre på at også Gud er levande og til stades i liva våra og i verda. Difor er det ikkje farleg å spørje: Kven er Gud for meg no?
Gud finst i det heilage, men vi trur og at Gud er i det alminnelege. Korleis kan vi bli flinkare til å sjå Guds nærvær i våre alminnelege liv?
I gudstenestene våre kvar veke er det ikkje mykje rom for dei lange tankane og for samtale og spørsmål. Desse samlingane vil gje rom for nettopp dette.
Samlingane
Tidsramme 1 ½ time.
Innleiing til tema og innføring i sentrale Bibeltekstar.
Samtale i små grupper og oppsummering.
Enkel servering
Torsdagar frå 19.00 – 20.30
- 19. oktober
- 2. november
- 16. november
- 30. november
På Førde Kyrkjetun - andre etasje
Tema for samlingane
- Eg og Gud
- Eg og dei andre
- Gleda
- Fellesskapet
Samlingane vert arrangerte av Førde sokneråd og leia av sokneprest Ingvald Andersen Frøyen. Samtaledeltakar:
tema 3 - sokneprest Silje Sørebø
tema 4 - prost Knut Magne Nesse
Samlingane er opne for deltaking for alle som ynskjer å vere med uavhengig av kor ein bur.
Vi vil oppmuntre bibelgrupper og småfellesskap i kyrkjelyden til å forsøke å kome saman på desse samlingane, slik at ein kan samtale vidare i smågruppene i etterkant.
Arrangør: Førde sokneråd