Forteljinga om Josef frå Det gamle testamentet har alt: Vidunderlege draumar, fryktelege svik og endelaus kjærleik.
Denne gamle historia frå Bibelen foreinar kristendom, islam og jødedom på ein unik måte, og er eit referanseverk i verdenslitteraturen.
Kanskje er dette ei av verdas aller beste forteljingar? Historia har inspirert mange kunstnarar til å uttrykke den på nye måtar fram gjennom tidene: Andrew Loyd Webber laga sin første musikal over denne forteljinga, og vi finn forteljinga i bøker av forfattarar i ulike epokar, slik som Thomas Mann og Tor Åge Bringsverd.
Forteljar Helga Samset viser oss kor underhaldande, relevant og engasjerande ei 2500 år gammel forteljing kan vere når ho i lag med jazzmusikar Jonas Kilmork Vemøy skapar stor forteljarkunst av den gamle historia.
Allsong i prestegarden på Ålhus etter framsyninga i kyrkja. Kaffe/te og noko å bite i.
Billett i døra kr 200/150 (medlem i folkeakademiet)
Nokre klypp frå tidlegare publikums-omtalar:
"Vi ble kjent med Josef på en helt ny måte! Fortellingen og musikken skaper et fantastisk rom for innlevelse. Vi var med ned i brønnen, inn i Egypt, vi kom nær Josef og brødrene hans. Forestillingen er gripende og sterk – den anbefales!"
«Josef» må oppleves! Helga har en fantastisk evne til å dra lytteren inn i historien. Jonas levendegjør eposet fra Det gamle testamentet med stemme og instrumenter – nært og rørende.
"Helga og Jonas gjorde den gamle fortellingen levende og aktuell. Det gav høy gåsehudfaktor!"