Velkomen til ein julekonsert fri for jule-svisker. Her får du vakre adventssongar og julesalmar frå Valdres, framført på trøorgel, langeleik og fele - og med Karlbergs nydelege vokal i front.
Ålhus kyrkje er ei nydeleg kyrkje å vere i. Difor har vi valt oss akkurat denne som ramme for JULEGJEST-konserten med Marit Karlberg, Frank Rolland og Sigbjørn Apeland. JULEGJEST er tittelen på den nye juleplata deira med repertoar frå Valdres. Dei gamle adventssongane og julesalmane er i tradisjonar som går heilt tilbake til 1600-talet. I tillegg har dei med nyskrivne songar og nye arrangement på gamle juleleikar. Her kan du lett finne den rette stemninga for adventsmånaden!
Marit Karlberg - song, langeleik og lyre
Frank Henrik Rolland – hardingfele
Sigbjørn Apeland – trøorgel
Billettsal på TicketCo og i døra.