KODE B for 10-åringane
Du som blir 10 år i løpet av 2023 i Ålhus sokn er invitert til to Kode B-samlingar og gudsteneste! Måndag 30. januar og måndag 06. februar kl. 12.15 – 14.15 inviterer vi til samlingar for dykk 10-åringar på Vassenden Kyrkjesenter. Då skal vi utforske og bli meir kjent med Bibelen. Og kva betyr eigentleg «KODE B»? Det blir ulike aktivitetar og leikar, vi skal ete noko godt i lag og gjere førebuingar til gudstenesta den 12. februar. På måndagar er det kort dag på skulen, og borna går sjølv til Kyrkjesenteret ved skuleslutt kl 12.00. Vi avsluttar kl 14.15, slik at dei som treng det rekk skulebussen heim. Søndag 12. februar kl. 11.00 er det familiegudsteneste i Ålhus kyrkje der du vil få ei flott teikneseriebok som heiter Action Bibelen som ei gåve frå kyrkjelyden. Viss du berre har anledning til å delta på eitt eller to av dei tre arrangementa, så går det bra, men fint om de gjev beskjed. Vi håpar DU kjem!! Hjarteleg velkomen!
