Synstolkning: bilde av leiar i samisk kyrkjeråd May Bente Jönsson og bispedømrådsleiar Arnt Ove Tennfjord som står foran ein skjerm med Den norske kyrkja i Møre sin logo. Foto: Maria Vassli Gjære.
4.februar: foredrag i Kirkelandet kyrkje kl.1900. Kirsti Guvsàm held foredrag om samefolket og samisk kultur. Ho har 12 års erfaring som folkevald på Sametinget. Kitty Eide leiar samtalen.
6.februar: gudsteneste i Molde domkyrkje. Biskop Ingeborg Midttømme leiar gudstenesta saman med sokneprest Ståle Aklestad. Molde domkantori syng.
6.februar: markering på Kyrkjelydshuset på Skei i Surnadal kl.1700.
9.februar: markering i gudsteneste i Kirkelandet kyrkje kl.1100. Gudstenesta er i samarbeid med Oprafestuka.
Leiar i Samisk kyrkjeråd på bispedømerådsmøte 31.januar.
På Møre bispedømeråd sitt møte 31.januar orienterte leiar i samisk kyrkjeråd May Bente Jönsson om det samisk kyrkjerådets arbeid. Administrasjonen til samisk kyrkjeråd sit i Tromsø, og fokuset deira er for tida oppfølging av Sannhets og forsoningskommisjonen sitt arbeid, innarbeiding av samisk kultur og språk som ein del av plan for Kyrkjelege undervisning og læring og fokus på overgrep mot samiske barn og unge.
Det vert kvart år arrangert konfirmantleir for samiske konfirmantar, og rundt 100 ungdommar deltek. Ei stor hending i 2024 var at Det nye testamentet på sørsamisk vart lansert med markering både i Noreg og Sverige. Møre er ein del av det sørsamiske språkområdet. Det er ein kategorial kyrkjelyd for sørsamisk, med prest Einar Bondevik. Dei arrangerer blant anna ein eigen konfirmantleir for sørsamiske konfirmantar.
Jönsson arbeider som trusopplærar i Sunndal kyrkjelege fellesråd, og deltek på arrangementet i Surnadal 6.februar. Om ein ønskjer tips til korleis ein enkelt kan markere samanes nasjonaldag, kan ein sende ho ein e-post på denne adressa.