- For det første er eg veldig takksam for det. Alle tre er også kvinner, seier domprost i Nidaros, Ragnhild Jepsen.
Dette blir fyrste gong Bjørgvin bispedøme får kvinneleg biskop.
- Eg ser me står ganske likt i stemmetal, og det er difor framleis knytt like mykje usikkerheit til den endelege avgjersla. Det blir veldig spennande framover, held domprosten fram.
Kandidatane
Etter ei rådgjevande røysting i Bjørgvin bispedøme går Kjersti Gautestad Norheim, Ragnhild Jepsen og Sunniva Gylver vidare til neste runde i bispetilsetjinga.
- Kjersti Gautestad Norheim, sokneprest i Birkeland menighet
- Ragnhild Jepsen, domprost i Nidaros
- Sunniva Gylver, sokneprest i Fagerborg menighet
Gudmund Waaler, Stephanie Dietrich og Nils Terje Lunde var også nominert, men dei fekk ikkje tilstrekkeleg oppslutning i røystinga til å vere med i den vidare prosessen.
Tilsetjing
Ny biskop vert tilsett av Kyrkjerådet 9.–10. februar.
Halvor Nordhaug har gått av som biskop i Bjørgvin bispedøme og vorte pensjonist. 6. desember vart seks kandidatar presentert til å overta som biskop.
Desse deltok i røystinga
Den rådgjevande røystinga er ein del av prosessen med å tilsetje ny biskop. Til saman har 353 røysteføre instansar og tilsette sett opp inntil tre namn i prioritert rekkefølgje. 45 røyster hadde eitt eller to namn. Dette gjev oppslutning på 70 %.
Dei røysteføre er: Sokneråd i Bjørgvin, ungdomsrådet, vigsla kyrkjeleg tilsette i bispedømet. I tillegg har prostar i andre bispedøme, ungdomsrepresentantar til Kyrkjemøtet og representantar frå teologiske utdanningsinstitusjonar røysterett.
Røysteperioden var frå 5. desember til 5. januar.
Dette er resultatet
Vekting av stemmene med utgangspunkt i fordeling av 100 «poeng», gir dette resultatet:
| Namn | Stemmer |
| Kjersti Gautestad Norheim | 23,84 % |
| Ragnhild Jepsen | 21,83 % |
| Sunniva Gylver | 21,57 % |
| Gudmund Waaler | 15,40 % |
| Stephanie Dietrich |
10,09 % |
| Nils Terje Lunde | 7,28 % |
Last ned fullstendig oversikt over stemmene her.
Førstestemmer har vekting lik 1, andrestemmer lik 2/3 og tredjestemmer lik 1/3. For å sikre lokal innverknad i prosessen teller stemmer frå sokneråd og ungdomsrådet 1/3, prestar og andre i vigsla stillingar i bispedømet 1/3 og nasjonale stemmer teller 1/3.
Vidare prosess
I neste runde skal bispedømerådet i Bjørgvin gje si tilråding, og biskopane vil gje tilråding med grunngjeving til Kyrkjerådet. Dette vil verte offentleggjort 20. januar. Etter dette vil dei tre kandidatane verte intervjua av Kyrkjerådet sitt arbeidsutval.
Det er Kyrkjerådet som tilset ny biskop, ut i frå ei heilskapleg vurdering. Den rådgjevande røystinga, bispedømerådet si tilråding, biskopane sine tilrådingar og individuelle intervju med kandidatane dannar til saman grunnlaget for vedtaket til Kyrkjerådet.
Kyrkjerådet vedtek tilsetjing av ny biskop i Bjørgvin på sitt møte i Bergen, 9.–10. februar 2023.