Medlemmane blir valde for 4 år, og det skjer samtidig med kommunevalet. Møta vår held vi i Tårnrommet i Vigra kyrkje. Her legg vi planer for korleis folk skal finne seg best mogleg til rette i kyrkja vår. I tillegg til soknerådsmøta har Arbeidsutvalet, som består av leiar, nestleiar, sekretær og prest, møte ei veke før soknerådsmøta for å førebu sakene.
Vi har gudstenester omlag annakvar søndag. Under gudstenesta er det ofte barnesamling i Tårnrommet under preika. Etter gudstenesta har vi eit kort sosialt samvere med god kyrkjekaffi. Vi har og skule- og barnehagegudstenester før jul, samt andre gudstenester retta mot born og unge. Få med deg det som skjer!
Det er og Søndagsskule dei søndagane det ikkje er gudsteneste. Dette foregår på gamle Solbakken skule, samt Søndagsskulehuset på Roald.