Johanneskapellet rommar så mangt. Her falder livet seg ut, med alle sine kontrastar. Kyrkja brukar kapellet til gudsteneste, dåp, vigslar og gravferd. Men også konsertar, salmekveldar, musikkandakter, konfirmantundervisning og babysong.
Folk på øyane sett stor pris på dette intime kapellet. Det er eit godt rom å vere i.
Og glasmaleria til Olav Leon Roald, som sett sitt særeigne preg på kapellet, gjev ei fantastisk ramme til rommet. Eit slikt kapell må ha eit instrument som står i stil til den kvaliteten og kjærleiken som sit i veggane.
Ein handverkar treng gode reiskap for å gjere jobben sin. Karsten Warholm spring ikkje løp i sandalar!
Vi som har ansvaret for musikken i kyrkja ønsker å forvalte den med kvalitet. Eit nytt instrument til Johanneskapellet vil gi eit skikkeleg løft til vårt arbeid. Men det stoppar ikkje der! Eit nytt instrument vil også gi nye moglegheiter. Borna i KorTøft kan ha intimkonsertar i kapellet, Kulturskulen kan halde pianokonsertar der, Knøttesong får endeleg eit skikkeleg instrument å synge til, vi kan trille ut pianoet i kaféen og halde jazzkonsertar, jam sessions og andre kjekke musikalske bidrag inn mot ein allereie populær kafé.
Vi har som mål å nå 100 000 kroner i løpet av våren og spesielt no fram mot konserten i mars. Alle bidrag, små og store, kjem godt med og blir tatt imot med stor takksemd!
Om ein går inn på spleisen som er oppretta:
kan ein velge om ein vil betale med Vipps, kort eller få ein faktura – så dette gjer det enkelt også for bedrifter å sende eit bidrag.
Bli med på spleisen!
På førehand takk!
Kantor Margaret Haugland
Kyrkjemusikar Dag-Filip Roaldsnes
Valderøy sokneråd
Giske kyrkjelege fellesråd