Medlemet vil bli vald gjennom preferanseval, og lista er difor alfabetisk, utan noko prioritert rekkefølgje.
Lek tilsette
Solveig Gravem Angelskår, f. 1980. Dagleg leiar i Osterfjorden.
Kalaregy Drange, f. 1962. Kyrkjetenar i Sandviken og Eidsvåg.
Rita Eldholm, f. 1972. Diakon i Åsane.
Audun Mundal, f. 1966. Kyrkjeverje i Gloppen.
Beate Nes, f. 1979. Kateket i Stryn.
Prestar
Kjersti Brakestad Boge, f. 1973. Sokneprest i Kvinnherad
Vegard Bondevik Lie, f. 1974. Sokneprest i Leikanger
Arne Mulen, f. 1969. Spesialprest i Åsane.
Kjersti Gautestad Norheim, f. 1974. Sokneprest i Birkeland
Marte Birkeland Åsen, f. 1992. Kapellan i Søreide
Supplerande nominasjon
Valreglane seier at minst ti med stemmerett, høvesvis prestar eller leke kyrkjeleg tilsette, kan fremje forslag om alternative kandidatar i den supplerande nominasjonen innan kl. 12 den 15. mai. Det er eit krav om at dei ti må komme frå minst to prosti. Forslagsstillarane må ha underskrive forslaget, og dei må oppgi ein tillitsvald. Underskriftene på forslaget kan vere skanna. Forslagsstillarane kan berre nominere ein kandidat. Forslagsstillarane må også innhente skriftleg stadfesting frå kandidaten om at vedkommande er villig til å stille til val.
Forslagsstillarane må vedlegge tilsvarande opplysningar om supplerte kandidatar som dei ein må oppgi om dei ordinære kandidatane, jf. forskriften § 3-2 (2) b siste setning og (4).
Dersom forslaget til kandidatar ved supplerande nominasjon blir godkjent av valrådet, skal kandidatane førast opp på den endelege vallista. Valrådet avgjer om forslaga om supplerande nominasjon skal godkjennast innan 22. mai 2023, jf. § 7-1.
Sjå lenker nedst på sida til skjema for supplerande nominasjon. Forslagsstillarane fyller ut skjema 8.1.3a eller 8.1.3b og sender det signert til valrådet i Bjørgvin, same adresse som bispedømerkontoret (sjå nedst på nettsida). Kandidaten må fylle ut elektronisk skjema seinast 20. mai (sjå lenke nede på denne sida).