Om morgonen klokka 0900 kan du feire den månadlege morgonmessa saman med staben ved Ørsta kyrkjekontor. På kvelden klokka 1930 vert det askeonsdagsgudsteneste med høve for både stillheit, osketeikning og nattverd. Ørsta kyrkjekor vert også med.
I gudstenesta vil det vere høve til bli teikna eller teikne seg sjølv med ein oskekross i panna eller i handa. Oskekrossen minner oss om at vi ein gong skal døy, at vi høyrer til alt det skapte og at vi er kalla til å følge Jesus i forsoninga si teneste.
Etter osketeikninga blir vi invitert til nattverdbordet der vi får ta imot Guds tilgjeving og får kraft og mot til å følge Jesus i kvardagen vår.
Dei neste vekene vert det eit variert fasteprogram i Ørsta kyrkje. Det kan du lese om her: https://www.kyrkja.no/nn-NO/fellesrad/%C3%B8rsta/nyhende/fastetida%20i%20%C3%B8rsta%20kyrkje/