Denne tysdagskvelden får vi fint besøk i Ørsta: Geir Gundersen, kjend for mange som andaktshaldar i NRK Radio og tidlegare generalsekretær i Blå Kors, kjem for å halde føredraget "Mi sorg er lys". Gundersen har nett gjeve ut ei bok med same tittelen. I denne boka skriv han "medan han sørger" om tapet av kona Liv, og om korleis han lever i og med sorga, samstundes som han er takknemleg for alt det gode dei fekk saman: "Heilt knust og djupt lukkeleg" skriv han vart og varmt om allmenne erfaringar av tap, sorg, håp og den store gleda.
Det er gratis inngang, med høve til å gi kollekt.
Denne kvelden er vel verdt å få med seg, særleg sidan koret faSong også blir med! Etter samlinga, lagar Ørsta sokneråd til kveldsmat i kyrkjekjellaren. Vel møtt!