Svein Ellingsen- ein fornyar av salmeskatten
Svein Ellingsen (f.1929, d.2020) er mellom dei store norske salmediktarane, og ein viktig fornyar av salmen som sjanger. Frå midten av 1950-talet og til langt ut på 2000-talet, skreiv han salmar som har vore viktige for mange. Særleg kjend er dåpssalmen "Fylt av glede", og til saman har han heile 58 salmar i Norsk salmebok 2013. Ellingsen omsette også salmar frå andre språk, og han var biletkunstnar.
Ei kveldsgudsteneste med berre Svein Ellingsen-salmar!
Komande søndag, 25.august, kan du synge mange av Ellingsen sine vakre og slitesterke salmar i kveldsgudstenesta i Ørsta kyrkje. Kantor Marie Austrheim Riise og kyrkjelydsprest Kristian Myklebust har valt ut sju av salmane Ellingsen har i salmeboka. Nokre av dei syng vi ofte, andre er kanskje meir ukjende? Som samlingsbøn og forbøn brukar vi også bøner som Ellingsen har skrive. Det vert nattverd i gudstenesta, og vi les vingardsssøndagen sine bibeltekstar. Vel møtt til Ørsta kyrkje søndag 25. august kl 1930.
Desse salmane syng vi:
371 Om alle mine lemmer (Petter Dass/Svein Ellingsen)
103 Det finnes en dyrebar rose
724 Stjernene lyser fremdeles i mørket
678 Vi rekker våre hender frem
604 Jesus, livets sol og glede
162 Såkorn som dør i jorden
677 En bønn er gjemt i hjerteslagets rytme