Søndag 9. februar kan du igjen kjøpe kyrkjemiddag etter gudstenesta i Ørsta kyrkje. Først feirar vi gudsteneste med dåp og nattverd saman med Ørsta kyrkjekor. Deretter samlast alle som vil til middagsfellesskap på kyrkjekontoret.
I år som i fjor er det Sky Johnsen med gode hjelparar som står for maten som sjølvsagt er inspirert av det thailandske kjøkkenet. Under middagen vil det bli god tid til prat. I tillegg vil vi få ferske inntrykk frå kyrkjelyden sitt misjonsprosjekt i Thailand. Overskot går til prosjektet. For å kunne berekne mat, ber vi om påmelding på SMS til Eli Moltu 900 83473 innan laurdag 8.2. Har du nokre allergiar og treng tilrettelagt mat, må vi også ha beskjed om det.
Vel møtt til kjekke timar med gudsteneste og middagsfellesskap!