Våren 2025 vil vi ha ei kveldsandakt kvar onsdag i Løvstakksiden menighet. Vi har ein enkel liturgi (sjå lenke til dokument under), og eg, Knut Kvalsvik, vil lese frå Lukas-evangeliet og knyte nokre kommentarar til.
- Stad: Solheim kyrkje, Hordagt. 28, i kyrkjeromet.
- Tid: Onsdagar kl. 19.
- Datoar: Oppstart 8. januar, siste gong før sommaren 14. mai. Ikkje 16. april (påske). Det kan også verte unntak nokre få andre datoar, dette er ikkje klart enno.
Etterpå er det anledning til å vere igjen litt, kanskje for å prate med andre, kanskje for å tenne eit lys i lysgloben vår og be ei bøn.
Dette er ei fortsetjing frå hausten. Eg las då til og med Lukas 9,50. Difor startar eg no å lese frå Lukas 9,51. I Lukas si framstilling startar Jesus no på ei vandring mot Jerusalem, og innhaldet i fleire kapittel framover er tenkt sett inn i ei slik vandrings-rame.
Biletet over viser dei såkalla Emmaus-vandrarane, frå Lukas-evangeliet kapittel 24.
Velkomen til å vandre med oss!