I Sund sokn har me 2 kyrkjer: Sund kyrkje (1997) og Kausland kyrkje (1881).
Det er gudsteneste annakvar søndag i Sund og Kausland.
1. juledag, 1. påskedag og 1. pinsedag er det høgtidsgudsteneste i Sund kyrkje, medan 2. juledag, 2. påskedag og 2. pinsedag er det høgtidsgudsteneste i Kausland kyrkje.
I tillegg til vanlege høgmesser og familiegudstenester, har me også bønevandringsgudstenester og songgudstenester. Dessutan har me friluftsgudsteneste ved kyrkjesteinane på Tyssøy, og kystkulturgudsteneste i Trellevikbygnaden. Totalt har me 61 gudstenester i Sund sokn på søn- og heilagdagar.
Dessutan har me nattverdgudstenester på Sundheimen og Solhaug sjukeheim 1 gong i månaden, og ei kortare andaktsstund same stader 1 gong i månaden.
På sjukeheimane får me god hjelp av Røde kors besøksvenner og aktivitør.
Me har dåpssamtaler med dåpsforeldre i Sund kyrkje og Kausland kyrkje 1-2 gonger i månaden.
Her kan det vera fleire foreldrepar til stades, og me orienterer både praktisk og innhaldsmessig om dåpen og dåpshandlinga.
Og så får sjølvsagt dåpsforeldra sleppa til med sine spørsmål.
Dessutan får dei med seg ein folder om barnearbeidet i Sund sokn og ein reklamefoldar frå «Tripp Trapp» (dåpsopplæringsmateriell).